Password

PicsArt_08-03-06.35.15

 

 

 

Episode 1

“Naqab aur Neeyat”

“Ankhon sy prhi jati hy haya ki kahani,
Naqab dal ker koi parsa nhi hota…”

°°°°°°°°

IMG_20180811_171323

Woh barri chamkti kali ankhon sy mobile ki screen pr chalti tasveerein dekh rhi thi. Ek kai baad ek tasveer naay effects kai sath khulti aur background mein bajti dhun kai sath woh sar ko daein sy baein(left to right) harqat dy rhi thi. Kisi ny usai chapt lga kr hosh dilaya kai woh academy mein mojud hy na ky apnai bedroom mein.woh bokhla kr seedhi bethi aur usky sath kursi par rakha bag farsh pr gira aur sar sy duptta sirak kr kandho pr gira.

“Baihosh aatma yahi bhatk’ty rehna hy ya phr ghar bhi chalnay ka irada hy ? Sari class khali hogaee hy magr tum mendak ki trha iski screen ko taaky ja rhi ho.” Apni saheli ki baat sun kr woh apni jagha sy uth khari hwi aur usky kandhy par hath rkhy kuch sochny ky andaz sy samny safaid board ko dekhny lagi.

“Bhaee hirni ankhein di hein tw koi buraee tw nhi hy?” Usnay baat kehty Khaula ky samny mobile kiya tw uska moonh khula reh gya.

“Dekho kitny haseen lgty hein humary Pakistani models ماشاء اللّہ ”
Usny apni choti naak ko mazeed sulair kar kaha tw khaula ny usky kandhy par thapar mara

“Sharam kro bai’haya abhi intermediate ky exams diye hein aur nazrein admiyon par rakhi hein. Rabi tumhari phupo thik kehti hein tum waqaee bigri ghori ho.”
Khaula ny ghoor kr usai kaha phr jhuk kar farsh pr gira bag uthaya aur kandgy pr giray dupaty ko sar pr phela kr orha Rabi ny apnai hath mein pkra mobile usai thumaya.

“Ab tumhein kya btaoo ky….hum tw bigry isliye hein kai koi swaaar dy aur tumhari nand kafi achi videos bnati hy. Us sy kehna Zaryab bhai aur tumhari shadi ki video wahi bnaay aur pyare sai gaany daaly..jo tumhari aur unki khamosh mohabat ki gwahi dein.”
Usny dil pr hath rakhy dramatic andaz mein kaha khaula kay ghoorny pr uss nai sar jhatak kr kursi say chadar utha kr sar par orhi.

“Kam-az-kam tum apnai pyary bhaee ko he bula lo taaky Karachi kai iss barish waly mausum mein.. Hum bus mein rulnai sai bach jaein.”
Woh bags uthaay ab bahir agaee thi.Rahdaari mein chalty hway Khaula ny apnai barai bhai Ismail ko call krdi thi.

“Wese kehna prai ga tumhara diwana hunr’mand hy.Tum bhooki nhi marogi.”
Usnai na’jany kya soch kr ek ankh dbatay hwai kaha tw khaula ny bag uski kamar pr mara

“Ab tumnay zra bhi baqwas kri na tw iss barish mein tumhein chor jaugi”
Khaula kai jharaknay ka Rabi pr zra aasr na hwa ulta woh tw dant nikal kr muskura di

“Yar buraee kya hy? Tum dono ki families razi hein, tum dono razi ho, tw iss khamosh mohabat ko rishtay ka naam do aur…mujhy btao Zaryab bhai mein buraee kya hy?”
Woh akhri jumla muskra kr boli tw khaula ny ek na’gwar nazr uss par dali

“Tumhein kisnai kaha kai zari mein buraee hy?”
Khaula ny koft khaty hway kaha phr Rabi ki swaliya nzron ko dekhty ek sans bhari

“Dekho Rabi larki ki zindagi ka maqsad mangni , shadi aur mohabat nhin hota”
Woh kuch pal kliye ruki
“Aur meri zindagi ka maqsad ek naik insan banna hy”
Usky akhri jumlai par Rabi ny ankhein ghumaee tw khaula ny uska hath thamma

“Mai janti hon tumhein meri baat bewaqufi ky siwa kuch nhi lg rahi aur sahi bhi hy. Kyunkai mujh mein apnai jazbat alfazon mein byan krnai ka hunr nhi.”
Usnai halki si muskan ky sath kaha

“Bas ye samjh lo mainai kal raat milad mein unn aunty ki baat ko dill pr lai liya.” Khaula jumla mukamal krty khil kr muskuraee tw danto mein lagy braces nazr aay. Rabi apni dost ko dekh kr udas muskuraee aur usko kandho sy pakra

“Khaula tum jesi ho,meri dost ho.Aur jab tumhary pehnawai sy tumhary baba, bhai aur honai waly shohar ko masla nhi tw phr tum khud ko kis liye badal rhi ho? Tum jesi bhi ho humari ho aur humein bai’haad pasand ho.”
Rabi ki baat sunty Khaula ny uska hath thamma

“Tum kehti ho na hum ALLAH ky bandy hein tw bas mein khud ko usky liye badal rahi hoon”
Khaula ny udass muskuraty hway kaha tw Rabi ki bhwaein jurr gaee

Usai malum tha ky uski aunty kai tanz ka aasr uski hassas dost ky dil pr gehri chhap chor gya tha. Rabi ko khud par shadeed ghusa tha ky uski wajah sy khaula ko awarah kha gya. Uski jeans aur adhi asteen ki tang kurti aur jali ky dupaty ki wjah sy usai awarah shakhsiyat samjh liya gya tha.Shukar iss baat ka ky…Rabi ki aunty ny ye ghibat Rabi ki maa sy kitchen mein kari thi na ky bhary majmai mein..aur dukh iss baat ka… ye gheebat Rabi aur Khaula ny kitchen ky bahr khud apnai kaano sy sunli thi. Jiskai baad khaula usky kamrai mein bethi bas roti rahi thi.Abb Rabi aunty ko kesai samjhaay kai kaprai tw kaprai hoty hein.

Jesai har hijab wali haya daar nhi hoti issi trha har jeans wali by’hya nhi hoti aur kaee baar dekhnai walai ki ankh bhi hijab ka parda chaak krty hwai kisi larki ki rooh tak ko zakhmi kr jati hy.Rabi ko yaad aya ky kis trha uski behn ki shadi ki khareed-o-farokht kai doran bazar mein ek dukandar uskai naqab kai ba’wajud kesi fahash nazron sy uska jaeeza ly rha tha.Uski nazrein itni ghaleez thi ky Rabi ko apnai wajud sy sharam arhi thi. Woh tw bhla ho us chaay waly larky ka jis ny uss admi kai hath par kholti chaay ulat di thi. Uss admi ny phr uss larki ki khoob lanat malamat bhi kari thi Rabi ky khandan ki khawateen aur aas pas ky dukandaaro ny uss larkai ki jan bcha li. Jab uski nazr Rabi sy mili tw uss par wazeh hwa kai dukandar ki fahash nazr sirf Rabi ny he nhi… balkai uss larkai ny bhi dekhi thi tabhi uss nai jaan boojh kar chaay giraee thi. Shayad hum jins tha isliye iss admi ki nazr aur neeyat samjh gya.Isliye uss waqt ek gherat mand mard ki trha Rabi ki izzat ka muhafiz bnna.

“Kin sochon mein kho gaee.chalo Ismail agya.”
Khaula ky kandha hilanai pr woh mazi sy haal mein laut ayi aur kandhy par bag ltkaa kr agay barh gaee.

°°°°°°°°°

“Arai bhai uth ja”
Kisi ky pukarnay par woh hataili sai ek ankh masalty bed par uth betha.Bikhrai bhoorai bal usky mathy ko chhoo rahy thy.

“Kya musibat hy?”
Woh moonh mein br’braty hway jhatkay sai uth khra hwa aur tezi sai agai barh kar kamrai ka drwaza khola. smanai khary shaks ko na’gwari sai dekh kr dubara bed par ja kr beth gaya

“Fa’kir yar kaha hy tu?”
Anai waly kai swal par usnai phr mooh mein kuch br’braya phr sar jhatak kr side table sy apna mobile uthaya aur keypad pr kuch type krnai lga.Samnai khara shaks usky samny guthnai zameen par tikaay beth gaya aur Fakir kai hathon sai mobile ly kr usai iltejaee nazron sai dekhnai lga

“Yar tujhe kam kaha tha? Kiya tu nai? Dekh mera bhai hy na tu mera kaam krdai please”
Usky hatho ko apnai samnai jurra dekh fakir nichly hont ko danto taly dbba kr halka sa tanziya muskuraya aur jhat sy usky hath sy apna mobile cheena

“Beta mai janta hoo. Tum sab waqt par gadhy ko bhi baap bnna lete ho.Zyada masum bannai ki zarurat nhi…aur maro nhi…tumhara kaam hogya hy. Apna mobile do.”
Woh kehty hwai khra hwa aur hath sai mathy par girai balon ko pichai kiya.Fakir kai mobile mangnai par usnai bina kisi swal kai apni jaib sai mobile nikal kr uskai hath mein thma diya kyun kai usai iss baat ka ilm tha ky Fakir ko swal pasand nhi

“Dekho ye link usai whatsup sy send kro. Aur is baat ka dehan rahy kai woh link khol kr apni i.d lazmi login karai”
Fakir nai usai mobile ki screen pr link dikhaty smjhaya magr uskai chehrai par pheli na’samjhi dekh kar Fakir nai ankhein ghumaee

“Ullu kai…” Woh zra ruka aur jabrai kasy phr apna mobile usai dikhaya

“Dekho ye link jab tum usai bhejo gai tw woh ye link click karai gi tw ek page khulai ga jis par likha hoga kai iss par f.b account sy login karein aur jeety fori balance ya ek mobile jeetnai ka moqa.”
fakir nai honto ko nichai ki traf sukair kar yaad krty hwai kaha

“Jab woh waha uss page par login kary gi tw yaha..”
Fakir nai uskai samnai uska mobile lehraya
“Yaha par tum uski i.d dekh sako gy woh bhi bina kisi dikat aur dushwari ky”
Fakir ki baat sunnty woh uchal kr usky galai lga

“Wah bhai maan gaay tujhy, tu waqaee kamal hy”
Usnai Fakir ki kamar thapkaee

“Acha ek baat bta ye sab tunai kiya kesai?”
Uskai swal par Fakir ny usai halki muskuraht kai sath dekha

“Tu kaha ja rha hy? Yahee hein na? Tw phr jaldi kis baat ki?”
Fakir kai bai’izat karnai par uski muskuraht ghayab hogaee

“Aur ye btao tumhein apni mangetar ki jasusi ki kya zarurat parr gaee?”
Fakir kai swal pr woh chonka phr bed par sar kai neechai hatho ko rakhy lait gya

“Yar uska ek cousin hy”
Usnai mooh bigarty kaha
“Bas mujhy uski neeyat thik nhi lagti aur mujhy shak hy kahein…”
Uska adhura jumla Fakir nai pura kiya

“Aur tumhai shak hy kahein woh tumhary pichai apni cousin sy chatting na krti ho”
Fakir ki baat par woh uth betha aur hatho ki ungliyo ko maslnai lga

“Teri bhabi masum hy mujhy uski mohabbat par shak nhi”
Uski baat par Fakir halka sa hassa aur bai’yaqeeni sy sar hilatai bathroom ki traf barh gya.

“Shak tw uss kaminai cousin ki neeyat par hy.kahee mera bna bnaya rishta khrab na kar dai.”
Tap sai behty pani kai bawajud Fakir usky lehjai mein nafrat sunn sakta tha.Jis par Fakir tanziya muskuraya

“Chinese Majnoo”
Usnai mooh mein br’braty hwai sar jhatka aur tap kai behty pani sai hatho ko bhera phr ek chhapka maar kr chehrai sai need kai aasaar ko dho dala
“Baat suno”

Woh towel sai mooh ko pohuchta aandr aya
“Phooto…”
Fakir ny towel bed par phenk kr uski traf bina dekhy kaha aur sidhi traf deewar par latkai sheeshai mein apna chehrai ko dekhnai lga

IMG_20180811_171152

“Yar mujhy ek baat smjhaay ga?”
Uski awaz pr Fakir uski traf mura aur usai ghoor kr dekhnai lga

“Bas itna btaa dy kai uski i.d login krnai sai mai..mai uski i.d kesai dekh sakta hoo?”
Uskai swal par Fakir ny bai’yaqeeni sy sar hilaya aur murr kar sheeshai mein dekhty hwai hatho sai baalo ko durust krnai lga

“Woh jaha i.d sai login karai gi woh mera bnaya fake f.b page hoga.yaha woh i.d login karai gi waha tumhein uski i.d ki har choti sai choti khabar mil jaay gi”
Fakir ki baat nai usai yaqeenun heran krdiya tha aur uski herani sai pheli ankhein dekh kr Fakir muskuraya

“Nazar na lgaein meri mehnat ka inaam waha side table par rakh kar dafa hojaein”
Fakir nai tanziya muskura kr side table ki traf ishara kera tw woh palkein jhapkta apni pant , shirt ki jaibo par hatho ko marnai lga phr shirt ki ek jaib sai white envelope nikal kar side table par rakha jisai dekh kar Fakir kai mathy par bal prai

” 30 sai kam nahi” Fakir nai nazron ko envelope par rakhty seenai par hatho ko bandha tw samnai kharai shaks nai haa mai sar hilaya tw Fakir kai mathay par pari shikan haat gaee

“Check nahi.. cash”
Fakir hatho ko khol kar uski taraf brha aur envelope utha kar uskai hath mein thmaya

“Yar abhi ye rakh lai…”
Uski minnat smajat ko nazr andaaz krty Fakir ny usai kandho sai pakr kr kamrai sai bahir nikala

“Khud ye cash mein krwa kar lao.Tumhary baap ka nokar nhi, kam bhi karoo aur cash kliye bank mein jooty bhi gheesoo”
Fakir dheemai lehjai mein uski matti paleet kr gya

“Acha ghusa na ho, mai yoo gya aur cash lai kar aya”
Woh Fakir kai kandhy thpka kar chla gya

“Huh..Ameer zadai”
Fakir nai sar jhtak kr kaha aur kamrai ka drwaza band krta wapus ja kr bed pr beth gaya tabhi sath rakhai mobile ki notification tune ny usai apni janib mutawajah kiya tw usnai eyebrows jor kar uss janib dekha

“Lo ameer zada phr mobile bhool gya. Dekhein tw iss mai kya hy?”
Woh password break krty uss mein chhan been krnai lga tabhi kisi chiz ny uski tawajah apni traf khenchi aur shetani muskuraht nai uskai honto ka ahaata kiya

°°°°°°°°°°°°

 

Abhi kahani jaari hy

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s